LIBRAZHD – Ambasadori i Izraelit në Tiranë, David Cohen, ka premtuar sot punësimin sezonal të 2500-3000 personave nga Librazhdi, në Izrael. Ai ishte sot në qytetin e Librazhdit ku zhvilloi një takim me kryetarin e bashkisë së Prrenjasit si dhe me disa kryetarë komunash në rretin e Librazhdit.

Qëllimi i vizitës së tij ishte ishte ndihma e biznesit të vogël, që përfishin rrethin e Librazhdit, po kështu e edhe afrimin e investitorëve izraelitë. I pranishëm me Ambasadorin izraelit ishte edhe deputeti socialist i zonës së Librazhdit, Taulant Balla, ku kanë diskutuar për resurset natyrore dhe turistike të zonës.

“Rrethi i Librazhdit është një rreth me miniera të shumta dhe biznesi Izraelit është I interesuar të investojë në këtë fushe, pra në nxjerrjen e nikelit nga thellësia e nëntokës”, – shpreh ambasadori Cohen. Më tej ai shtoi se , “ne do të punësojmë rreth 2500 – 3000 punëtorë sezonal nga rrethi juaj në Izrael, kryesisht në bujqësi dhe ndërtim”.

Ambasada e Izraelit në Shqipëri është celur në janarë të këtij viti dhe deri tani kooperojnë afërsisht 45 biznese Izraelite në shqipëri dhe mendohet që ky numër nga shtatori të dyfishohet nëpërmjet dhomës së tregtisë Shqiptaro-Izraelite, u shpreh në fund të fjalës së tij Ambasadori Cohen.