Shqipëria dhe Izraeli mbeten partnerë të mirë dhe me vëmendje të madhe në shtimin dhe forcimin e bashkëpunimit. Kjo është vërtetuar edhe nga takimi i presidentit Bujar Nishani me Konsullin e Nderit të Shqipërisë në Izrael, Avraham Rinot.
“Presidenti i Republikës, SH.T.Z. Bujar Nishani priti në një takim zotin Avraham Rinot, Konsulli i Nderit të Shqipërisë në Izrael”-ishte një njoftim shumë i shkurtër i zyrës mediale të presidencës. Duke marrë parasysh zhvillimet e përgjithshme, presidenti dhe Konsulli temë të bisedimeve kanë pasut bashkëpunimin shumë të mirë mes Izraelit dhe Shqipërisë. Po ashtu u bisedua për aspektet historike të marrëdhënieve mes shqiptarëve dhe hebrenjve, duke veçuar qëndrimin dhe mbrojtjen e tyre nga holokausti i Gjermanisë Naziste.
Shqipëria është i vetmi vend ku numri i hebrenjve ishte më i madh në përfundim se sa përpara Luftës së Dytë Botërore.
Zoti Rinot është Konsull nderi i Republikës së Shqipërisë në Rajonin Verior të Izraelit me zyrë të konsullatës së nderit në Haifa (Adresa: 15 Pal Yam str. Floor 25, Haifa, Izrael/Tel:  00972775444700/Faks: 00972775444777/Cel: 0097252244444/e-mail: rinota@gmail.com)