Zëvendëskryeministri Niko Peleshi dhe Ministri i Bujqësisë, Edmond Panariti, morën pjesë në Forumin e Biznesit Shqipëri-Izrael, i cili u zhvillua në Tel Aviv, me iniciativën e Dhomës së Tregtisë Shqipëri-Izrael.

Zëvendëskryeministri Peleshi tha se ky Forum do t’i japë marrëdhënieve mes dy vendeve një dimension të ri në fushën ekonomike. Peleshi bëri të ditur se takimet e zhvilluara ishin frytdhënëse në drejtim të përftimit të eksperiencave më të mira menaxhuese, si në fushën e energjisë, turizmit, bujqësisë, etj.

Ndiq "Izraeli Biznes" në Facebook dhe Twitter dhe Instagram dhe behu anetar i Grupit Izraeli dhe Shqiptaret

Qeveria shqiptare mori garanci të plotë nga pala izraelite, për t’u mbështetur nga ana teknike me ekspertizë, por edhe me skema të njohura si të suksesshme të partneritetit publik-privat, për të adresuar problemin e ujit në Shqipëri. Në takime u diskutua edhe lidhur me projektet për ndërtimin e rrjetit të gazifikimit në Shqipëri, ku Izraeli ofron kontribut të veçantë, si nga biznesi ashtu dhe nga qeveria e këtij vendi.

Me interes të posaçëm nga pala izraelite u pritën diskutimet për sektorin e turizmit, ku Shqipëria përmes potencialeve të panumërta që ofron, po tërheq gjithnjë e më tepër interesin jo vetëm të turistëve, por edhe të investitorëve izraelitë.