Jerusalem, 11 janar 2015 – Presidenti i Izraelit, Reuven Rivlin, tha se u kishte “kërkuar të gjitha qeverive në botë, si dhe qeverisë së Francës në veçanti, të mbrojnë dhe të garantojnë sigurinë dhe mirëqenien e komunitetit hebraik”.

“Ky është një detyrim, për t’u siguruar hebrenjve se janë të gjendje të jetojnë me dinjitet dhe krenari, pa qenë viktima të sulmeve, keqtrajtimeve dhe fyerjeve”, citohet Rivlin nga “Atutz Sheva”.

Më shumë se një milion njerëz dhe dhjetëra lider të botës marshuan sot në Paris në nderim të 17 viktimave të vrarë në disa prej sulmeve terroriste më të pashembullta në Francë.

Midis tyre ishin edhe Presidenti i Francës, François Hollande; Kryeministri i Izraelit, Benjamin Netanyahu, Kancelarja gjermane, Angela Merkel; Kryeministri i Anglisë, David Cameroon; por edhe Kryeministri i Shqipërisë, Edi Rama; Presidentja e Kosovës, Atifete Jahjaga.