Izraelisot.com, 23 janar 2015 – Ministri i Mbrojtjes së Izraelit, Moseh Ya’alon,  deklaroi gjatë një takimi special me komandantë të lartë në shtabin e Komandës Veriore në Tzfat (Safed) se, Izraeli është i përgatitur mjaftueshëm për të përballuar një sulm të mundshme nga fqinjët e tij veriorë, përshirë Hezbollahun në Liban dhe një numër grupesh nga Siria.

“Ne duhet të jemi të përgatitur, për çdo përpjekje që synon të na sfidojë,  kjo nisur edhe nga zërat që kemi dëgjuar nga pala tjetër [për luftë]”, citohet  Ya’alon nga Israelnationalneës.com.

“Është e rëndësishme që të vaxhdojmë të qëndrojmë të qetë dhe të duruar, por ne nuk do të tolerojmë asnjë përpjekje që synon të na dëmtojë dhe ne do t’u përgjigjemi me forcë përpjekjeve të tilla”.

Ministri i Mbrojtjes u bëri thirrje banorëve të Izraelit të Veriut si dhe udhëtarëve në zonë të vazhdojnë jetën e tyre të përditshme.

Izraeloveriorët dhe Forcat e Mbrojtjes Izraelite, IDF, ishin në situatë alarmi gjatë gjithë javës pas sulmeve ajrore në Lartësitë Golan në pjesën e Sirsë që sollën edhe vrasjen e një komandanti Hezbollah dhe një gjenerali iranian të Iranian Revolutionary Guards  midis të tjerëve.