Kompania startup izraelite Argus Cyber Security, e cila është krijuar nga të diplomuar në njësinë 8200 të inteligjencës në ushtrisë izraelite, është afër finalizimit të shitjes të një aktor global në tregun e automobilave për një shumë prej 400 milionë dollarësh. Lajmin e bëri të ditur portali ekonomik izraelit, Globes.

Kompania ofrom zgjidhje të sigurisë kibernitike për makinat, një fushë që ka tërhequr vëmendje të madhe, për shkak të parashikimit të masivizimit të makinave autonome në dekadat e ardhshme. Argus ka një zgjidhje që parandalon hakersat të thyejnë sistemin e makinave dhe të marin kontrollin e tyre.

Sipas burimeve nga industria e automobilave, një nga kandidatët kryesorë për të blerë Argus është kompania gjermane Continental, një furnizues ndërkombëtar i pjesëve për makinave dhe një lider në teknologjinë smart të makinave.

Contintental pati një xhiro vjetore tw shitjeve vjetore në shumën e 40 miliardë dollarëve dhe ka bashkëpunuar më parë më Argus përmes kompanisë bijë, Elektrobit.

Argus është themeluar në vitin 2013 dhe aktualisht ka 70 punonjës, kryesisht në Tel Aviv. Nga momenti i krijimit dhe deri më sot, ajo ka grumbulluar 30 milionë dollarë. Investitorët e saj janë Zohar Zisapel, Gil Agmon nga Delek Motors, Vertex Venture Capital dhe Magma Venture Partners. (Izraeli Sot)