Vjen lajmi i gëzuar!

Së shpejti fluturime direkt nga Izraeli drejt Shqipërisë.

Është Ambasada e Shqipërisë në “vendin e shenjtë” ajo që e bën të ditur lajmin, përmes një njoftimin në faqen e saj zyrtare në rrjetin social “Facebook”.

“Shqipëri-Izrael: Forcojmë bashkëpunimin ekonomik. Shpejt nisje e fluturimeve direkt”, shkruhet në postimin e ambasadës, të shoqëruar edhe me fotot e rastit me praninë e ambasadorit të Shqipërisë në Izrael, Bardhyl Canaj.

Do të jetë një nga kompanitë më të mëdha ajrore izraelite “Israir” ajo që do realizojë projektin e shumëpritur për vendosjen e linjës charter Tel Aviv-Tiranë.

“Israir” ka për qëllim të realizoje dy fluturime javore në kryeqytetin e Shqipërisë.