Uji i pijshëm përgjithësisht testohet në burim, por përpara se të arrijë në gotat tona, ai kalon në kilometra të tërë tubash të vjetër, – kështu që në fakt, ne nuk kemi asnjë kontroll mbi ujin që na vjenm  në tubat tanë.

Pikërisht, për këtë ka menduar startupi izraelit, Lishtot Detection Ltd. “Lishtot” në hebraisht do të thotë “pi”.

Kompania izraelite e themeluar në vitin 2015 ka zhvilluar sensorin “TestDrop”, një pajisje, që sipas CEO-s dhe bashkëthemeluesit, Netanale Raisch, zbulon ndotjet në ujë, të tilla si arseniku, mërkuri, bakri, klori, në vetëm dy sekonda.

Të gjithë përdoruesit duhet ta testojnë ujin e pijshëm fillimisht duket e futur atë në një gotë plastik, nëse drita e pajisjes bëhet blu, uji është në rregull për t’u pirë, por nëse ajo bëhet e kuqe, diçka nuk shkon.

TestDrop mund të zbulojë më shumë se 20 ndotës të ndryshëm që mund të ketë uji dhe është në përputje me standardet e kërkuara ndërkombëtare.

TestDrop shitet për 49.95 dollarë, dhe përmes një Bluetooth lidhet me aplikacionin në telefon të Lishtot, ku edhe ruhen të dhënat historike për ujin që përdorim, përfshirë kontaminimin, ndarjen e ujit të ambalazhuar, ujë çezme, ujë natyral prej lumenjve apo burimeve.

Cilësia e ujit, është një nga “sfidat kryesore” që përballet shoqëria sot, pasi ka të bëjë me shëndetin.

Produkti mund të porositet përmes portalit të kompanisë, dhe sipas “Times of Israel”, që citon CEO-n e kompanisë janë shitur deri tani 100 mijë pajisje.