Virility Medical, një startup izraelit me qendër në Nazareth, ka kompletuar me sukses një eksperiment klinik për të kuruar spermimin e parakohshëm duke përdorur një aplikacion për smartfonët.

Ejakulacioni (apo spermimi) i parakohshëm, sipas kompanisë, prek më shumë se 79 milionë meshkuj në Shtetet e Bashkuara dhe në Bashkimin Europian, duke krijuar një treg të destinuar për të kapur një vlerë prej 2 miliardë dollarësh brenda vitit 2020.

Në vend që ta trajtosh me medikamente, të cilat edhe mund të krijojnë efekte anësore, të tilla si vjellje, mosfunksionimi të ereksionit, Virility Medical, ka shpikur një adeziv inteligjent njëpërdorimësh, i projektuar për të qenë poshtë testikulave dhe i kontrolluar nga një aplikacion që shkakton një stimul elektrik te adezivi, që nga ana e tij, kontrakton muskuli përgjegjës për ejakulimin, duke e vonuar derdhjen e spermës.

Gjithçka gjatë aktit, te meshkujt kontrollohet nga ky aplikacion, që vepron vetëm për muskulin përkatës dhe përdoret vetëm gjatë aktit seksual.

Teknologjia është testuar së fundi në 20 meshkuj pranë Rambam Health Care Campus në Haifa dhe ka dhënë rezultate pozitive.

Zgjidhja është e thjeshtë dhe efikase. Sipas Tal Golan, CEO i Virility Medical, stimulatori elektrik e ka tregun të garantuar dhe është më i garantuar sesa injeksionet mjekësore në organin e meshkujve.