Superylli i futbollit botëror, Kristiano Ronaldo, ishte pjesë e një reklame komerciale për televizonin me pagesë izraelit, “HOT”. Klipi u filmua në Madrid.

Sulmuesi i Realit të Madridit dhe kapiteni i Portugalisë u shfaq në klip me tre nga katër aktorët e serialit të njohur televiziv izraelit, “Shababnikim”, Daniel Gad, Israel Atias and Omer Perlman.

Ronaldo e pati jo pak të vështirë të thoshte fjalën hebraisht “hatraot”, që në shqip do të thotë “njoftime”.

“Ishte një eksperiencë e  paharrueshme. Kristiano ishte i sjellshëm, profesional dhe ndihej sikur ai përshtatej në ekipin tonë. Ka zëra se ai mund të bashkohet me sezonin e ardhshëm si ‘Shababnik i pestë’”, tha aktori izraelit Atias.

“Shababnikim” është tepër popullor në Izrael dhe ka fituar katër çmime.

Kjo është hera e dytë që Ronaldo shfaqet në një reklamë komerciale të televizonit “HOT”, i cili i përket miliarderit izraelito-francez, Patrick Drahi.

IZRAELI SOT