Për herë të parë, ceremonia për të përkujtuar sulmin terrorist në ambasadën e Izraelit në Buenos Aires, u bashkëfinancua nga qeveria argjentinase.

Ceremonia, e cila u zhvillua të premten për të shënuar 26-vjetorin e sulmit terrorist, u mbajt për herë të parë në Qendrën e të Drejtave të Njeriut në Buenos Aires, dhe jo në vendin ku ndodhi sulmi.

“Sot kemi vendosur të kujtojmë këtu, si një simbol se kjo është një çështje me prioritet të lartë në agjendën e të drejtave të njeriut të qeverisë”, tha zëvendëspresidenti i Argjentinës, Gabriela Michetti, i cili ishte edhe folësi kryesor në aktivitet.

Sulmi terrorist, i cili shkatërroi ambasadën izraelite në Buenos Aires më 17 mars 1992, vrau 29 veta dhe plagosi 242 të tjerë në sulmin e parë terrorist ndërkombëtar në tokën e Argjentinës.

Veprimtaria u ndoq nga të mbijetuarit e sulmit dhe të afërmit e viktimave, si dhe përfaqësuesit e ambasadës izraelite, ku foli edhe ambasadori izraelit në Argjentinë, Ilan Sztulman.

Me këtë rast u hap edhe një ekspozitë fotografike në lidhje me sulmin e vitit 1992 me titullin “Solidariteti është kujtesë”.