Mjekët izraelitë u shpëtojnë jetën pesë të rinjve në Etiopi
Tetë mjekë nga Qendra Mjekësore Hadassah në Jerusalem kryen pesë operacione në shpinë në spitalin Ayder.
Mjekët izraelitë kryen operacione për të rregulluar deformimet e rënda kurrizore si pjesë e një misioni mjekësor njëjavor në Etiopi.
Tetë mjekë, dy infermierë dhe një terapist fizik nga Qendra Mjekësore Hadassah (Hadassah Medical Center) në Jerusalem udhëtuan në mision javën e kaluar në qytetin e Mekelle, në veri të vendit afrikan.
Ekipi mjekësor izraelit kreu pesë operacione në Ayder Comprehensive Specialized Hospital, i cili u shërben rreth 8 milionë pacientëve, por nuk ka një kirurg për problemet e shpinës, sipas Dr. Josh Schroeder, kirurg i specializuar në Qendra Mjekësore Hadassah i cili udhëhoqi misionin me Dr. Allon Moisiun, kryetari i Departamentit të Mikrobiologjisë Klinike dhe Sëmundjeve Infektive të Hadassahut.
Lexo edhe këto
Pacientët, të gjithë të moshës 18 dhe nën saj, kishin deformime kurrizore aq të rënda sa që ishin në gjendje të shkaktojnë komplikime vdekjeprurëse, duke përfshirë presionin mbi organet e brendshme dhe infeksionet e mushkërive, tha Schroeder për Agjencinë Telegrafike Hebraike të Lajmeve (JTA). Operacionet ishin komplekse, ndërsa disa morën tetë orë.
Përveç kryerjes së pesë operacioneve, izraelitët gjithashtu ofruan trajnime mjekësore për stafin Ayder. Kompania mjekësore “Medtronic” dhuroi pajisjet e nevojshme për operacionet.
Spitalet Hadassah dhe Ayder kanë një partneritet që daton pesë vjet më parë, me studentët e mjekësisë izraelite që bëjnë rotacion në Mekelle, dhe fizikantë të Ayder që marrin trajnime dhe furnizime nga Hadassah.
Më shumë lajme
