“Një agronom në celular”, aplikacioni ndihmon fermerët të indentifikojnë sëmundjet
Aplikacioni Agrio i startupit Saillog, aktualisht përdoret nga dhjetëra mijëra fermerë në mbarë botën
Bujqësia izraelite po bëhet gjithmonë e më inteligjente.
Startupi izraelit Saillog në fushën e teknologjisë bujqësore (AgriTech), ka krijuar aplikacionin e parë inteligjent artificial për fermerët, të aftë për identifikimin e sëmundjeve të kulturave bujqësore dhe planifikimin e menaxhimit të dëmtuesve, si dhe alarme në kohë reale për sëmundjet e kulturave dhe dëmtuesit që parashikohet të mbërrijnë në fermat e tyre.
Kjo i ndihmon fermerët të marrin masa parandaluese për të penguar infektimet dhe për të zvogëluar humbjet e prodhimit të kulturave të mbjella.
Aplikacioni shumëgjuhësh për smartphone i Saillog, Agrio, është në fakt një mjet multi-platformësh agronomik i pajisur me teknologji të njohjes së imazhit dhe mbështetur nga algoritme të inteligjencës artificiale të aftë për të diagnostikuar sëmundjet e kulture, mangësitë dhe dëmtuesit e kulture me një foto të çastit të realizuara nga kamera.
Fizikanti Nessi Benishti, themelues dhe CEO i Sailog, shpjegoi se aplikacioni Agrio “mund të identifikojë sëmundjet e kulturave dhe dëmtuesit me nivele të larta besimi dhe donte të parandalonte përhapjen e patologjive në fermat aty pranë; është sikur të keni një agronom në xhepin tuaj”.
Kohët e fundit, një veçori është inkorporuar në aplikacionin Agrio, ku inteligjenca artificiale e bazuar në një algoritëm AgroShield, është aftë të paralajmërojë fermerin në lidhje me përhapjen e dëmtuesve dhe sëmundjeve të kulturës në lidhje me vendndodhjen gjeografike të fermës.
Aplikaconi u dërgon fermerëve “alarme” në kohë reale që u jep atyre kohë për masa parandaluese për të penguar infektimet dhe për të zvogëluar humbjet e kulturës bujqësore. “AgrioShield është një nga funksionet e shumta që po lançojmë për të ndihmuar fermerët të reduktojnë të dëmtuarat para mbledhjes së prodhimit”, tha drejtori ekzekutiv, Nessi Benishti.
Saillog u krijua në 2017 nga fizikanti izraelit Nessi Benishti, i cili për më shumë se një dekadë, ka zhvilluar algoritme të inteligjencës artificiale për imazhet mjekësore.
Saillog u lançua me qëllim që t’u ofrojë fermerëve një zgjidhje të plotë për sëmundjet e kulturave dhe menaxhimin e dëmtuesve.
Aplikacioni Agrio aktualisht përdoret nga dhjetëra mijëra fermerë në mbarë botën dhe është në dispozicion për shkarkim në mbi 11 gjuhë.
LEXO EDHE
Më shumë lajme
