Me rastin e 70-vjetorit të themelimit të Shtetit të Izraelit, apo më saktë, Izraelit Modern, gazeta online “Izraeli Sot” sjell 70 fakte, duke përcjellë ngjarjet kryesore të tij të ndara sipas viteve. Izraeli është themeluar më 14 maj 1948 dhe më 14 maj 2018 mbush 70 vjet.

Viti 1972

NË DETYRË

Kryeministri i Izraelit – Golda Meir

Presidenti i Izraelit – Zalman Shazar

Qeveria e Izraelit – Qeveria e 15-të e Izraelit

5-6 shtator – Masakra e Mynihut: Njëmbëdhjetë atletë izraelitë, anëtarë të ekipit olimpik izraelit në Olimpiadën Verore të vitit 1972 në Mynih, janë vrarë pasi tetë anëtarët e Shtatorit të Zezë pushtuan fshatin olimpik; pesë terroristë dhe një polic gjerman vriten gjithashtu.

Por kjo nuk i pengoi gjigantët ndërkombëtarë që të hedhin sytë drejt talentit izraelit. IBM Israel hapi qendrën e tij të parë të kërkimit dhe zhvillimit në ndërtesën e teknologjisë kompjuterike të Technion në Haifa. Sot, më shumë se 1,000 njerëz punojnë në zyrat e IBM R & D në të gjithë Izraelin.