1.36 milionë turistë hynë në Izrael në janar-prill 2018, 25% më shumë se në periudhën korresponduese të vitit të kaluar.

Vitin e kaluar u vendos edhe numri rekord, prej 3.6 milion turistë.

Ministria e Turizmit ka në plan të rritë numrin e turistëve këtë vit me anë të përpjekjeve të marketingut në shkallë të gjerë.

408,000 turistë hynë në Izrael në prill 2018, 17% më shumë se në prill 2017, kur 350,000 vizituan Izraelin.

238,000 nga 408,000 turistë në prill, më shumë se gjysma, erdhën nga Evropa, veçanërisht Franca, Gjermania dhe Britania e Madhe. Në kuadër të përgatitjeve për garën çiklistike “Giro d’Italia”, numri i vizitorëve nga Italia në prill ishte 15,000, 48% më shumë se në prill të vitit të kaluar.

Ministria e Turizmit thotë se të ardhurat nga turistët në prill tejkaluan 2.1 miliardë shekel ose rreth 587 milionë dollarë.

105,000 turistë erdhën nga Amerika e Veriut, duke përfshirë mbi 80,000 nga SHBA, 16% më shumë se vitin e kaluar. 14,000 turistë erdhën nga Amerika Qendrore dhe Jugore, 41% më shumë se në prill 2017.

Pothuajse 18,000 turistë erdhën nga Polonia një nga vendet e përmendura nga Ministria e Turizmit si një objektiv. Ky numër turistësh ishte 146% më shumë se vitin e kaluar.

Numri i vizitorëve nga vendet aziatike arrin vetëm 35,700, ende një numër shumë i ulët, por 32% më shumë se në vitin paraprak. Më pak se 10,000 turistë vizituan nga Kina në prill, një rritje prej 24%. Prania e Air India gjithashtu ka dhënë efekt. 9,400 turistë indianë erdhën në prill, një rritje prej 45%.