Sot nis një tjetër festë e popullit hebre: Hag Shavuot, e cila përkujton përvjetorin e ditës kur Perëndia i dha Toran – Biblën hebraike – popullit të Izraelit të mbledhur në Malin e Sinait, pikërisht shtatë javë pas eksodit të popullit hebre nga Egjipti. Kjo është festa e dytë nga tre festat e pelegrinazhit, përkrah Pesach dhe Sukkot.

Shavuot festohet në ditën e 6-të të muajit Sivan sipas kalendarit hebraike, pra në fund të majit ose në fillim të qershorit. Këtë vit ajo festohet midis perëndimit të diellit, ditën e shtunë më 19 maj dhe rënies së natës, të dielën e datës 20 maj.

Shavuot do të thotë “javët” dhe festohet saktësisht shtatë javë pas ditës së parë të Pesach, e cila shënon edhe “eksodin” e popullit hebre nga Egjipti, ku u mbajt skllav për disa shekuj.

Gjithashtu ky komunitet gjatë Shavuotëve ka një ritual ku burrat dhe djemtë nxjerrin Toran jashtë sinagogave, djemtë e rinj e mbartin në duar Toran dhe i bien përqark sinagoges shtatë herë si akt për të simbolizuar ditën kur Perëndia u dha Toran bijve të Izraelit.

Ditën e shtunë, pra sot, lutjeve festive dhe të ngrënave, shumë njerëz mund të ndjekin traditën e qëndrimit zgjuar gjatë gjithë natës dhe të studiojnë tekste fetare dhe në mëngjes të thonë lutje që shprehin entuziazmion e popullit hebre për marrjen e Toras.

Shumë sinagoga dhe jeshivot (shkolla hebraike ku studiohet Tora), organizojnë mësime speciale gjatë natës së Shavuot. Ne Jeruzalem, është i njohur zakoni që njerëzit shkojnë në Murin e Lotëve (Murin Perëndimor të Jeruzalemit), ku lutjet shoqërohen me këngë dhe valle. Gjatë festës së Shavuot lexohen himne she shkrime speciale, përfshirë Librin e Rutit (Sefer shel Ruth)

Shavuot është e lidhur edhe me të korrat. Në kohët e lashta, korrjen e elbit e kryenin gjatë periudhës së Pesahut, kurse grurin e korrnin gjatë festës së Shavuot.

Produktet e bulmetit janë produktet kryesore që janë konsumuar gjatë kësaj feste duke gatuar edhe ushqime të veçanta nga këto produkte sic është gatimi i “Malit të Sinait” nga komuniteti sefaradik.

Shumë komunitete ruajnë dhe zakonin e dekorimit të sinagogave me pemë jeshile dhe lule.

Njerëzit përshëndesin njëri-tjetrin: Hag Shavuot Sameach – Gëzuar Festën e Shavuot!