Presidenti i Paraguait, Horacio Cartes, inauguroi ambasadën e re të vendit të tij në Jerusalem ditën e sotme, duke ndjekur kështu hapat e Shteteve të Bashkuara dhe Guatemalës.

Kryeministri i Izraelit, Benjamin Netanyahu, mori pjesë në ceremoninë e inaugurimit në Malha Technology Park, afër ambasadës së Guetemalës.

“Është një nder për mua të jem këtu sot”, tha Presidenti i Paraguait, Cartes, gjatë ceremonisë. “Hapja e ambasadës ka një kuptim të veçantë, pasi shpreh miqësinë e sinqertë dhe solidaritetin midis Paraguait dhe Izraelit”.

“Kjo është një ditë historike që fuqizon lidhjet midis Paraguait dhe Izraelit”, shtoi ai.

“Është një ditë e madhe për Izraelin. Një ditë e madhe për Paraguain. Një ditë e madhe për miqësinë tonë”, iu përgjigj Netanyahu. “Ju nuk jeni vetëm një mbështetës i qeverisë sonë, por treguar edhe një mirënjohje të thellë ndaj popullit të Izraelit”.

“Paraguai i ndihmoi hebrenjtë të shpëtonin nga nazistët gjermanë. Ne nuk do ta harrojmë kurrë këtë. Paraguai gjithashtu mbështeti themelimin e Shtetit të Izraelit dhe e njohu Izraelin në Kombet e Bashkura”, theksoi kryeministri Netanyahu.

“Është koha të bëjmë më shumë së bashku dhe të rrisim bashkëpunimin midis nesh. Ne disktuam në fusha të tilla si ujitja, bujqësia, siguria

Presidenti i Paraguait u prit në një takim të veçantë edhe nga Presidenti i Izraelit, Reuven Rivlin.

“Paraguai është mijëra kilometra larg Izraelit, por zemrat tona janë afër”, tha Rivlin. “Për më shumë se 70 vjet, Paraguai ka qenë një mik i vërtetë i Izraelit”.