Kompania izraelite Landa Digital Printing, një divizion i Landa Corporation Ltd, ka përfunduar një raund financimi prej 300 milion dollarësh të udhëhequr nga kompania investuese SKION GmbH me pjesëmarrjen e investitorit ekzistues, kompanisë kimike Altana AG, të dy në pronësi të biznesmenes gjermane Susanne Klatten, shkruan portali ekonomik izraelit, Calcalist.co.il.

Marrëveshja e çon vlerën e kompanisë së shtypjes digjitale me 1.8 miliardë dollarë pas financimit, tha themeluesi dhe CEO Benny Landa për “Calcalist”.

I njohur si një sipërmarrës serial, z. Landa themeloi Indigo, pionierin e shtypit digjital izraelit, i blerë më pas nga HP (Heëlett Packard) në vitin 2001 për 830 milionë dollarë.

E themeluar në vitin 2002, Landa zhvillon teknologji industriale të shtypjes digjitale për tregjet komerciale, paketimin dhe botimin. Kompania ka zhvilluar një pigment të bazuar në nanoteknologji që zvogëlon shpenzimet dhe lejon shtypjen më të shpejtë digjitale.

Në vitin 2014, ajo grumbulloi 136 milionë dollarë nga Altana. Së bashku, Altana dhe Skion tani kanë një 46% të aksioneve në kompani. Sipas z. Landa, kompania grumbulloi deri tani 700 milionë dollarë, nga të cilat 200 milionë dollarë investuan nga xhepi i tij.

Bazuar në Rehovot, një qytet në Izraelin qendror, kompania punëson rreth 450 vetë.