Gledi Mici mund të jetë mbrojtësi i ri i Hapoel Bnei Sakhnin, klubi i superligës izraelite, Liga Ha’al.

Lajmin për transferimin e ish-lojtarit të Skënderbeut e jep portali izraelit Walla.co.il.

Sipas saj, Sakhnin është në kërkim të një mbrojtësi të majtë, për të zëvendësuar Wanderson, dhe kandidati kryesor është mbrojtësi Gledi Mici, kampion me Skënderbeun.

27-vjeçari, i cili më parë ka luajtur edhe me Kamzën, Kukësin dhe Flamurtarin, e ka mbyllur kontratën me skuadrën korçare dhe është i lirë të luajë në Izrael.

Hapoel Bnei Sakhnin është një klub arabo-izraelit, që në historikun e tij të ballafaqimeve ndërkombëtare ka luajtur kundër Partizanit në Kupën UEFA.

Aktualisht me Hapoel Bnei Sakhnin luan mbrojtësi kosovar Alban Pnishi.

Sipas rregullores, deri në gjashtë lojtarë jo-izraelitë mund të luajnë në një ekip izraelit.