Një filxhan çaji jeshil ose një gotë verë e kuqe mund të jetë efektive për trajtimin e disa sëmundjeve metabolike të lindura. Zbulimi vjen nga hulumtuesit në Universitetin e Tel Avivit.

Studimi kërkimor, i sapo përfunduar, u krye nga profesori Ehud Gazit dhe studentja e tij e doktoraturës, D Shira Shaham-Niv dhe u botua në revistën “Nature Communications Chemistry.”

Njerëzit me çrregullime të trashëguara metabolike lindin me një gjen të dëmtuar që manifestohet me një mungesë akute të enzimave, dhe duhet  t’i nënshtrohen një dietë rigoroze për gjithë jetën.

Në studim, hulumtuesit izraelitë janë përqendruar në dy komponentë: një që ndodhet në çaj (EGCG), i njohur për përfitimet e saj të mundshme shëndetësore, dhe acidi tannik i gjetur në verë të kuqe dhe është i njohur pasi ajo parandalon formimin e strukturave amiloide toksike që shkaktojnë sëmundje neurodegjenerative të tilla si Alzheimer dhe Parkinson.

Lajmi jepet nga portali Israele21c.com.

Dr. Shira Shaham-Niv shpjegon: “Në rastin e sëmundjeve të lindura metabolike, trupi nuk prodhon një enzimë metabolike të qëndrueshme. Si rezultat, metabolitëve – substancat që janë, ndër të tjera, blloqet ndërtuese të ADN-së dhe proteinave – grumbullohen në trup. Ky akumulim i pakontrolluar është toksik dhe mund të shkaktojë shqetësime serioze për zhvillimin dhe mendjen. Studimi ynë i ri demonstron përsëri aftësinë e natyrës për të prodhuar medikamentin më të mirë për trajtimin e disa prej sëmundjeve më të rënda njerëzore.”

Hulumtuesit nga Universiteti i Illinois dhe Universiteti i Teksasit gjithashtu morën pjesë në studim.