Kompania e njohur amerikane PepsiCo deklaroi se do të blinte pajisjen SodaStream, e cila bën pijet e gazuara në shtëpi pa qenë nevoja për të shkuar në dyqan për t’i blerë ato. Çmimi i blerjes është 3.2 miliardë dollarë.

“PepsiCo ra dakort të blinte SodaStream me 144 dollarë për aksion”, tha kompania në një deklaratë.

CEO i SodaStream, Daniel Birnbaum, tha: “Sot shënon një moment të rëndësishëm në udhëtimin SodaStream. Ne jemi të nderuar që u zgjodhëm nga PepsiCo”.

Me këtë blerje kompania e Pepsit po dyfishon biznesin e saj të pijeve, i cili ka pasur probleme në Amerikën e Veriut. Arsyeja e këtyre problemeve është se gjithnjë e më shumë konsumatorët largohen nga pijet e gazuara.

Blerja nga Pepsi pritet të mbyllet në Janar të 2019, pas disa miratimeve rregullatore dhe disa votave të aksionerëve të SodaStream.