Sot në Izrael ishte dita e parë e vitit shkollor.

Zyrtarisht fillon më 1 shtator, por këtë vit 1 shtatori ra ditën e shtunës, që është jo vetëm ditë “shabati”, por edhe pushimi në Izrael. Kështu që, nisi më 2 shtator, ditën e diel, që është njëherësh edhe dita e parë e javës në Izrael, ndryshe nga vendet e tjera që është e hëna.

Rreth 2,310,000 nxënës dhe studentë, si dhe 194,000 mësues u rikthyen në shkollat e tyre, teksa në Izrael nisi sot viti i ri shkollor.

Nga këta 167 mijë nxënës u ulën për herë të parë në bankat e shkollës, sipas Ministrisë së Edukimit, ndërkohë që 131 mijë nxënës filluan vitin e tyre të fundit të maturës.

Në një ceremonitë e shumta zyrtare të nisjes së vitit shkollor mori pjesë edhe Presidenti i Shtetit të Izraelit, Reuven Rivlin.

Rivlin, sot 78 vjeç, kujtoi edhe ditën e parë të kur ai hyri në shkollë.

“Mbaj mend akoma ditën kur kam hyrë në klasën e parë dhe kam takuar mësuesen Hava. Një natë më parë, unë i kisha vënë të gjitha fletoret, penën dhe lapsat në çantën time dhe u përpoqa të flija, por nuk mund ta bëja. Në mëngjes vendosa sanduiçin në çantën time dhe u largova. Ndjehesha si një eksplorues, edhe pse nuk kuptova plotësisht se çfarë ishte. Dhe sa të drejtë kisha”, kujton Rivlin, i diplomuar më pas në Universitetin Hebraik të Jerusalemit.

“Hapja e vitit shkollor është një nga festat më të lumtura të vitit. Një ditë fillimi të ri dhe udhëtime të reja për kaq shumë prindër, mësues dhe mësues (dhe gjyshe dhe gjyshër), por shumica – për të gjithë studentët dhe studentët. Përshëndetje klasa e parë dhe një vit të suksesshëm shkollor për të gjithë fëmijët e Izraelit!”, shkruan ai në faqen e tij zyrtare në Facebook.