Kosova do të ngrinte një ambasadë në Izrael, nëse shteti hebre e pranon atë si një shtet të pavarur, tha Presidenti i Republikës së shkëputur të Ballkanit.

“Nëse Kosova do të njihej nga Izraeli, unë do ta vendosja ambasadën e Kosovës në Jeruzalem,” tha Hashim Thaçi për emisionin “Real Story” në televizionin shqiptar Vizion Plus të enjten, njoftoi agjencia e shtypit e Kosovës, KosovaPress.

Shtetet e Bashkuara dhe dhjetëra vende të tjera e kanë njohur Kosovën, një vend me shumicë muslimane, si një shtet që kur shpalli pavarësinë nga Serbia në vitin 2008.

Por opozita nga Rusia dhe Kina e kanë mbajtur Kosovën larg  anëtarësimit në OKB.

Izraeli, Spanja, India, Maroku dhe Ukraina janë midis vendeve kyçe që nuk e kanë njohur Kosovën, thuhet se janë në kundërshtim me deklaratat e njëanshme të pavarësisë – duke përfshirë territoret që ata kontrollojnë.

Izraeli nën kryeministrin Benjamin Netanyahu ka kërkuar vazhdimisht një numër vendesh për të ndjekur shembullin e Shteteve të Bashkuara në maj dhe për të lëvizur ambasadat e tyre në Jeruzalem, ndonëse deri më tani vetëm Guatemala dhe Paraguai – i cili këtë muaj e ktheu ambasadën e tij në Tel Aviv mes protestave të zhurmshme nga Izraeli – e kanë bërë këtë.

Në qershor, presidenti çek Milos Zeman bëri shaka gjatë një fjalimi se, Netanjahu i kishte ofruar të hiqte dorë nga shtëpia e tij në Jerusalem, nëse Republika Çeke hapte atje ambasadën, shkruan “Times of Israel”.