Kryeministri Benjamin Netanyahu u takua të martën me zëvendëskryeministrin rus Maxim Akimov për të diskutuar partneritetet ekonomike mes dy vendeve, tha Zyra e Kryeministrit në një deklaratë.

Takimi erdhi pasi lidhjet e Izraelit me Moskën janë bërë të tensionuara për rrëzimin e një aeroplani rus në Siri muajin e kaluar dhe dhurimin kohër e fundit të sistemit të mbrojtjes ajrore të avancuar të S-300 ndaj regjimit sirian.

Izraeli dhe SHBA janë të shqetësuar se shpërndarja e sistemit mund të komplikojë përpjekjet e vazhdueshme izraelite për të parandaluar Iranin nga thellimi i pranisë së tij ushtarake në Siri dhe transferimi i armëve te organizata Hezbollah.

Akimov mbërriti në Izrael për të marrë pjesë në komitetin e 15-të të përbashkët ndërqeveritar ruso-izraelit të bashkëpunimit ekonomik.

Gjatë një takimi në zyrën e tij në Jerusalem, Netanjahu dhe Akimov diskutuan bashkëpunimin në fushën e mjekësisë, shkencës, inovacionit, ndërtimit dhe bujqësisë, tha Zyra e Kryeministrit.

/Izraeli Sot/