Pozita e Izraelit si një “startup nation” ka qenë në rritje që nga viti 2009. Në vitin 2017, përveç më shumë se 350 qendrave kërkimore dhe zhvillimi shumëkombëshe, ka pasur edhe më shumë se 6,000 startape, më shumë se 70 fonde VC dhe më shumë se 200 përshpejtues startapesh.

Themeluesi dhe CEO i OurCrowd, Jon Medved, tha për revistën e njohur amerikane, “Forbes”, se ekosistemi i startapeve të Izraelit është vendosur të arrijë rekorde të reja këtë vit, me rreth 6.5 miliardë dollarë të investuar në startapet izraelite në 2018.

“Mbi 80% e kësaj kapitali vjen nga jashtë dhe fondet e sipërmarrjeve izraelite po performojnë mirë, madje edhe në krahasim me Silicon Valley”, tha Medved. “Tregu i sipërmarrjeve këtu është rritur në mënyrë të konsiderueshme në madhësi dhe në cilësi, ndërsa Izraeli prodhon rregullisht kompani lider në treg që dalin në sektorë të ndryshëm investimesh. Këto kompani nuk janë duke u rritur jo vetëm  shpejt, dhe janë shumë premtuese, por ato janë aktualisht në ballë të konkurrentëve të tyre në mbarë botën”.

“Ekosistemi i startapeve të Izraelit është një nga më të mëdhatë në botë dhe konsiderohet i dyti vetëm pas Silicon Valley”, tha Yossi Atias, Drejtor i Përgjithshëm, IoT Security, BullGuard. “Tregu ka pjekur në mënyrë të konsiderueshme dhe shumë firma shumëkombëshe po hapin ose zgjerojnë qendrat e tyre në Izrael, gjë që po bën kërkimin e talenteve shumë sfiduese për startupe të kufizuara buxhetore në vend”.