Kur Totenhemi dhe Ajaksi u përballen dje në Londër, dhe sërish do të rindeshen në Amsterdam javën e ardhshme, jo të gjithë e dinë se ai ishte një derbi midis dy ekipeve që konsiderohen si ekipe hebrenjsh, pasi mbështeten masivisht nga hebrenjtë e Anglisë dhe ata të Holandës.

Ajaksi fitoi 1-0 duelin e parë të gjysmëfinaleve të Ligës së Kampioneve në “Tottenham Hotspur” në Londër, ndërsa kalimi në finale do të zgjidhet në Amsterdam.

Të pranishëm në stadiumin e Totenhemit ishin edhe tifozë izraelitë, ku nuk munguan të shpalosin edhe flamurin e tyre, siç e tregon edhe ky artikull i gazetës izraelite, “Israel Hayom” (Izraeli Sot).

Në fakt, Ajaksi është themeluar në vitin 1907, 112 vjet më parë, por historikisht, Ajaksi është parë në Holandë si një ekip me “rrënjë hebraike”. Ajaksi nuk është zyrtarisht ekip jehudit, por ai pati një imazh hebraik në vitet 1930, kur stadium i tij ishte pranë lagjes së hebrenjve në Amsterdam.

Një nga nofkat e Ajaksit është “de Joden” (Hebrenjtë).

Edhe Totenhami, i themeluar 136 vjet më parë (1882), historikisht ka një mbështetje të madhe nga komunitetet e hebrenjve na Londrën Lindore dhe Veriore, madje një të tretat e tifozëve në vitet 1930 ishin hebrenj, ndërkohë që sot mendohet se zënë 5%.