Një shesh në qytetin Petah Tikva, Izraeli qendror, do të emërohet me emrin e presidentit amerikan, Donald Trump, bëri të ditur kryebashkiaku i qytetit.

Krybashkiaku Rami Greenberg tha të hënën se, ai vendosi të emërojë sheshin pranë Bashkisë për Trump për shkak të “mbështetjes së tij të pakualifikuar për shtetin e Izraelit”, raportoi e përditshmja izraelite “Maariv.”

Sheshi do të jetë inaugurohet zyrtarisht më 4 korrik, Ditën e Pavarësisë së Shteteve të Bashkura, tha Greenberg.

Kryebashkiaku tha se do të ftojë ambasadorin e SHBA në Izrael, David Friedman, kryeministrin Benjamin Netanjahu, ministrat e qeverisë dhe figurat e tjera publike.

Muajin e kaluar, Netanyahu tha, se ai do të quajë një komunitet të ri në Lartësitë Golan, me emrin Donald Trump, në shenjë falënderimi ndaj presidentit amerikan  për njohjen e sovranitetit të Izraelit mbi këtë zonë.

Një javë më parë, Ministri izraelit i Transportit, Yisrael Katz, tha në një mesazh në Twitter, se një stacioni treni në Qytetin e Vjetër të Jeruzalemit do të emërohet me emrin e Trump.