Medial EarlySign, një startap izraelit, ka zhvilluar softuerin e bazuar në “machine learning” që analizon rezultatet e testit të gjakut për të identifikuar pacientët me rrezik të lartë të kancerit të zorrës së trashë.

Produkti, i quajtur ColonFlag, nuk diagnostikon drejtpërdrejt kancerin e zorrës së trashë, por aktualisht përdoret nga mjekët në ofruesin e kujdesit shëndetësor izraelit, Maccabi, për të evidentuar pacientët me rrezik të lartë të kancerit, duke bërë të mundur që sistemi të jetë proaktive në lidhje me marrjen e këtyre pacientëve, shkruan “Times of Israel”.

Firma u krijua nga Ori Geva, Ofer Arieli dhe Nir Kalkstein në vitin 2009. Kalkstein është një ekspert i të dhënave të mëdha dhe algoritmeve të machine learning, i cili gjithashtu bashkë-themeloi Final Israel Ltd., një kompani tregtare me bazë algoritme.

Tregu i inteligjencës artificiale për aplikimet e kujdesit shëndetësor pritet të zgjerohet me shpejtësi në nivel global, me të ardhura që rriten në 40 për qind në vit deri në vitin 2021 dhe arritën 6.7 miliardë dollarë deri në atë vit, thotë një raport i firmës kërkimore dhe këshilluese të Frost & Sullivan.

Medial EarlySign cakton në bazat e të dhënave të organizatave të kujdesit shëndetësor për të skanuar testet e gjakut për shenjat e njerëzve që janë në rrezik të lartë të zhvillimit të kancerit të zorrës së trashë duke i krahasuar ato me modelet e gjakut të pacientëve të prekur nga sëmundja.

Startapi ka studiuar rekordet mjekësore të rreth 20 milionë individëve në Izrael, Britani të Madhe, SHBA dhe Azinë e Paqësorit përmes bazave të të dhënave që mbajnë informacionin dhe trajnuar algoritmet për të mësuar modelet dhe për t’i identifikuar ato në pacientët me rrezik të lartë.