Në një botë shumë kreative, ku konkurrenca për ide dhe biznes bëhet gjithmonë edhe më ashpër, nga Izraeli vjen sigurisht një platformë rezervimesh hotelesh që synon të rivalizojë më gjigantë të tillë si Booking.com.

Janë dy sipërmarrës, Benny Yonovich (34 vjeç) dhe Orel Jossef (27), të cilët kanë themeluar platformën me qendër në Tel Aviv, Arbitrip, e cila ofron një platformë për rezervim dhomash hoteli për udhëtime biznesi, e që kërkojnëw Wi-Fi, SPA, fitnes, shërbime lavanterie, etj..

Platforma e Arbitrip përdor algoritmet e “machine learning”, për të studiuar preferencat dhe kërkesat për rezervimet bazuar me çmimet e publikuara në internet, duke jua ofruar të interesuarve në kohë reale, sa herë që ka ndryshime çmimesh, apo sa herë që një dhomë bëhet e disponueshme, ajo përditësohet në platformë, duke u kursyer para atyre që zgjedhin rezervimet përmes kësaj platforme.

E themeluar në vitin 2015, Arbitrip, ka siguruar një investim prej 4 milionë dollarësh nga Teddy Sagi Group, i miliarderit hebreo-qipriot, që tashmë jeton në Angli, Teddy Sagi, e që ka një pasuri prej 3.4 miliardë dollarë, njëherësh edhe izraeliti i 9-të më pasur.

Sagi është themeluesi, midis të tjerave, i lojërave të kumarit online, PlayTech.