Marc Chagall (1887-1985) është një nga piktorët surrealistë më të njohur në botë.

Ai u lind në një familje hebrenjsh hasidikë në Vitebsk, pjesë e ish-Perandorisë ruse, një qytet asokohe me 60 mijë banorë ku gjysma ishin hebrenj.

Chagall studioi në Akademinë e Arteve në St. Petersburg. Ai emigroi në Paris në fillim të karrierës së tij artistike.

Punët e tij me natyrë “dekadente” nisën të merrnin famë në fillime të viteve 1930. Ai vuajti jo pak nga fryma anti-semitiste ndaj hebrenjve. Gjatë Luftës së Dytë Botërore ai emigroi në Shtetet e Bashkuara të Amerikës,  për t’u rikthyer në Francë në vitin 1949 ku jetoi në Provence deri në vdekjen e tij në vitin 1985.

Chagall ka një stil që bazohet në botën e fantazisë dhe ëndrrave.

Shumë nga skenat e tij surrealiste përshkruajnë jetën e hebrenjve hasidikë në qytetet hebrenj në Europën Lindore.

Chagall ka fituar disa çmime, përfshirë  medaljen “Kryqi i madh i Legjionit të Nderit”  të akorduar nga qeveria franceze në vitin 1971.

Ai ka fituar çmimin “Wolf Art Prize” (1981) dhe “Worthy Citizen of Jerusalem” (1977). Puna e tij më e famshme, “Chagall Windows” ndodhet në Sinagogën e spitalit Hadassah Ein Kerem në Jerusalem.