Izraeli është atdheu i shumë shpikjeve, që përdoren nga të gjithë në jetën e përditshme. Ka shumë lista “Top 10”, dhe gjithkush mund të ndërtojë një listë të tijën, pasi janë qindra shpikje gjatë dekadave të fundit. Izraelisot.com sjell një listë “Top 10” të hartuar nga Daniella Reyhanian, të botuar në gazetën “Times of Israel”.

1) Izraeli zhvilloi PillCam, pilulën e parë që mund të gëlltitet për të regjistruar imazhe të traktit të tretjes. Kapsula është në madhësinë dhë në formë të njëjtë si një pilulë, dhe brenda saj ka një mikrokamerë. Kjo shpikje është përdorur gjerësisht dhe ka qenë një sukses i madh.

2) Izraeli është vendi ku u zhvillua “flash drive”, apo e njohur më gjerësisht me akronimin “USB”. I përdorur pothuajse nga të gjithë, me siguri është një nga shpikjet më të dobishme moderne. Ju lejon të ruani të gjitha skedarët tuaj në një mënyrë kompakte, duke e bërë më të lehtë qasjen dhe punën larg kompjuterit tuaj.

3) Waze u shpik në Israel. Ky aplikacion udhëtimi i bazuar në sistemin GPS ju jep informacion dhe statistika të trafikut të përditësuar. Tani është në përdorim në mbi 100 vende, duke e bërë atë një aplikacion shumë të popullarizuar për shoferët.

4) Shpikjet izraelite në tregun e mallrave të konsumit vazhdojnë të lulëzojnë, dhe një nga to është dhe depilatori. I pari, Epilady, u prodhua fillimisht nga një kibbutz në Izrael në vitin 1986, dhe që atëherë janë shitur më shumë se 30 milionë copë.

5) Në vitin 2008, kompania izraelite EWA zhvilloi teknologjinë për prodhimin e ujit të pijshëm nga ajri i thatë. Një kondensator thith lagështirën e ajrit, e mban atë në kokrrizat e xhelit të bazuar në silicë, pastaj e kondenson atë në ujë.

6) Ok, jo në mënyrë rigoroze një shpikje, por një përdorim mahnitës i teknologjisë. Izraeli është me të vërtetë ‘vendi i qumështit dhe mjaltit’ në sajë të “super lopëve”, të cilat prodhojnë qumësht më shumë se vendet e tjera. Lopët izraelite prodhojnë deri në 10.5 ton në vit – 10% më shumë se lopët e Amerikës së Veriut dhe gati 50% më shumë se lopët e Gjermanisë!

7) Izraeli shpiku ujitjen moderne me pika në fillim të viteve 1960. Ujitja e pikave ju lejon të kurseni ujin dhe plehun duke lejuar që uji të hidhet ngadalë në rrënjët e bimëve nëpërmjet një rrjeti tubash plastike, e cila është shumë e dobishme në zonat ku ujërat janë të paktë.

8) Izraeli ka lënë shenjën e tij edhe në sallata! Dy profesorë të Universitetit Hebraik punuan me një kompani gjenetike për të zhvilluar domaten “qershi”. Izraelitët krijuan një frut të shijshëm dhe më të ëmbël që është i preferuar nga shumë njerëz.

9) Izraeli ka zhvilluar pajisjen BabySense, e cila ndihmon në parandalimin e vdekjeve e fëmijëve duke monitoruar frymëmarrjen dhe lëvizjet e foshnjës nëpër dyshek ndërsa ata flenë. Një alarme dëgjimore dhe vizuale aktivizohet nëse ndodhin parregullsi gjatë gjumit të tyre, gjë që ka ndihmuar prindërit të parandalojnë tmerret e vdekjes së fëmijëve në të gjithë botën.

10) Një nga shpikjet nga Izraeli është edhe Viber. I disponueshëm për shkarkim në çdo telefon të zgjuar, aplikacioni ju lejon të bëni falas në telefon në mbarë botën, duke përdorur Wi-Fi. Lidhja e saj me shpejtësi të lartë dhe aftësia për të mbajtur në kontakt me këdo, me të vërtetë e bën atë një nga shpikjet më të mira të Izraelit.