Forcat izraelite arrestuan një shtetas jordanez që vepronte në emër të inteligjencës iraniane për të krijuar një rrjet spiunësh në Izrael dhe Bregun Perëndimor gjatë këtij vit, bëri të ditur shërbimi i sigurisë Shin Bet.

Biznesmeni jordanez Thaer Shafut, 32 vjeç, u dërgua në Bregun Perëndimor vitin e kaluar “në emër të inteligjencës iraniane për të kryer misionet që synonin të ngrinin një rrjet në Izrael dhe Bregun Perëndimor, të cilat do të përdoreshin për operacione të fshehta për iranianët, citohet Shin Bet nga gazeta izraelite “The Times of Israel”.

Sipas shërbimit të sigurimit Shin Bet, Shafut hyri në territorin izraelit në korrik-gusht 2018, pas marrjes së udhëzimeve nga dy operativë iranianë arabe në Liban dhe Siri, të cilët u identifikuan si Abu Sadek dhe Abu Jaffar. Këto takime pohoet se vazhdonin midis 2018 dhe 2019.

Shafut synonte për të krijuar lidhje biznesi në Izrael dhe Bregun Perëndimor, me qëllim që të formonte një bazë operacionesh për veprimet e ardhshme të inteligjencës iraniane, tha Shin Bet.

Sipas Shin Bet, Shafut shihej gjithashtu nga iranianët si një mjet për të kanalizuar paratë ndaj operativëve terroristë në Bregun Perëndimor dhe Izrael. Irani ndihmon në financimin e operacioneve të grupit terrorist të xhihadit islamik palestinez, si dhe të Hamasit.

Shafut u arrestua në qytetin e Hebronit në prill, megjithëse kjo u mbajt e fshehtë deri ditën e sotme.