Për pacientët që vuajnë nga sëmundje kërcënuese për jetën si kanceri, sëmundja kronike e mushkërive ose HIV, regjimi që duhet ndjekur për  marrjen e medikamenteve shpesh mund të jetë i lodhshëm, pasi duhet marrë me shumë pilula gjatë gjithë ditës. Por një kompani izraelite, Vaica, dëshiron të thjeshtojë menaxhimin e marrjes së medikamenteve, duke përmirësuar cilësinë e jetës së pacientëve.

Vaica ka prodhuar “Capsuled”, një pajisje e shpërndarjes së medikamenteve, i projektuar për të mbështetur pacientët. Qëllimi është të sigurojë zbatimin e regjimeve farmaceutike komplekse nëpërmjet mbështetjes dhe koordinimit në shtëpi me teknologji të lartë, me miqtë dhe familjen, shkruan Siliconwadi.it.

Pajisja elektronike me kuti përmban të gjitha medikamentet e pacientit, jep lajmërime me zë dhe vizuale kur vjen koha për të marrë ilaçet dhe ka një ekran video shpjegues të ofruar nga kompania farmaceutike.

Produkti gjithashtu ka aftësinë për të analizuar të dhënat dhe për të njoftuar mjekët, miqtë ose anëtarët e familjes nëse ka diçka të gabuar – përmes mesazheve ose e-maileve. Provat e para të rëndësishme klinike të produktit do të kryen në Itali, në pacientët me sëmundje kardiake, diabet dhe sëmundje kronike mushkërish.

Vaica u themelua në vitin 2007 nga Tomer Gofer dhe Dr. Batami Sadan dhe është me qendër në Tel Aviv. Kompania tashmë vepron në të gjithë botën, duke përfshirë tregjet amerikane, kanadeze dhe britanike dhe po kërkon të zgjerohet.