Zëvendëspresidenti i Ambasadës Ndërkombëtare së Krishterë të Jeruzalemit (International Christian Embassy Jerusalem – ICEJ), Dr. Mojmir Kallus, vizitoi Kosovën, ku ai u prit midis të tjerave edhe nga Presidenti i Bet Izrael Kosova, Ruzhdi Shkodra. Kallus shoqërohej nga drejtori i Ambasadës Ndërkombëtare së Krishterë të Jeruzalemit për Shqipërinë, pastor Gentjan Dervishaj.

“Një vizitë në Kosovë dhe në Shtetet e Ballkanit. ICEJ lidh Kishën me Izraelin. ICEJ lidh Izraelin me Shtetet e Ballkanit. ICEJ sjell një besim pozitiv të bazuar mbi diplomacinë. Ka shumë dashuri dhe deshirë ne Kosovë për t’u lutur dhe lidhur me Izraelin. Kisha Evangjelike dhe të Krishterët e Kosovës e duan dhe luten për Izraelin dhe dëshirojnë të lidhen me të”, shkruan Ambasada Ndërkombëtare e Krishterë e Jeruzalemit.

“Komuniteti Hebre në Kosovë praktikon besimin e tyre ndaj baballarëve të tyre dhe luten që vitin tjetër të jenë në Jeruzalem. Dëshirojnë të lidhin Kosovën me Izraelin. Ka plane për një sinagoge të re në qendër të Prishtinës. Komuniteti i Biznesit në Kosovë dëshiron të lidhet dhe të ndjekë Izraelin si “Start-up kation”. Dhe Kosova u ofron kaq shumë investitorëve izraelitë. Taksa në nivelet më të ulëta. Punëtorë profesionistë”, thekson Kallus.

“Shteti i Kosovës, nga Kreu i Shtetit te çdo person tjetër në qeveri, dëshiron të ketë lidhje diplomatike dhe njohje midis Prishtinës dhe Jeruzalemit. I vetmi kryetar shteti në Kombet e Ballkanit, Presidenti i Kosovës, tha: Nëse Izraeli do ta njohë Republikën e Kosovës ne do të hapim Ambasadën e Kosovës në Jeruzalem. Jo vetëm në Kosovë është një dashuri dhe dëshirë e tillë për t’u lidhur, por edhe në të gjitha shtetet si Serbia, Maqedonia e Veriut, Bosnjë-Hercegovina, Mali i Zi, Greqia, Bullgaria dhe natyrisht Shqipëria.”, shkruan Kallus.

Zëvendëspresidenti i Ambasadës Ndërkombëtare së Krishterë të Jeruzalemit, Dr. Mojmir Kallus dha gjithashtu një intervistë për Radiotelevizionin e Kosovës.