Gjatë vizitës që ka zhvilluar në Kosovës, ambasadorja e Izraelit në Beograd, Alona Fisher Kamm, veç promovimit të investimeve izraelite në vendin tonë, ka takuar edhe përfaqësues të institucioneve të Kosovës.

Ajo ka vizituar Fakultetin e Arteve dhe Rektoratin e Universitetit të Prishtinës.

Nikoqiri i takimit në Fakultetin e Arteve, Profesor Xhevdet Pantina ka njoftuar se janë ndjerë të nderuar me vizitën e ambasadores Kamm, e cila ka njoftuar po ashtu se në hapësirat e Fakultetit të Arteve do të mbahet ‘Java e filmit izraelit’.

Profesor Pantina u njoftua nga ambasadorja izraelite, për ftesën që i kanë bërë katër universitete prestigjioze të Izraelit për të ligjëruar gjatë muajt janar të vitit 2020.

Pantina po ashtu u njoftua edhe për hapjen e ekspozitës së tij personale në Izrael, për nder të Fetës së 17 Shkurtit – Ditës së Pavarësisë së Kosovës.

Universitetet ku Pantina do të ligjërojë janë: Givat Haviva College, Ben Gurion University, Ein Gedi Artist Village dhe Tel Aviv Art Academy.