Meta në Izrael në Forumin Botëror të Holokaustit, të pranishëm Putin dhe Macron
Presidenti shqiptar është i ftuar nga ai izraelit, Rivlin. Të pranishëm 30 krerë shtetesh, përfshirë edhe presidentët e Gjermanisë dhe Italisë. Ky është Forumi i pestë që organizohet nga Fondacioni “Forumi Botëror i Holokokastit”, i cili do të zhvillohet, më 23 janar 2020.
Presidenti i Shqipërisë, Ilir Meta, është një nga 30 krerët e shteteve nga e gjithë bota, i cili do të marrë pjesë në Forumin Botëror të Holokaustit, më 23 janar në Yad Vashem në Jeruzalem, me ftesë të presidentit të Izraelit, Reuven Ruvi Rivlin.
Forumi Botëror do të zhvillohet, më 23 janar 2020.
Sipas faqes së Yad Vashem, ku ndodhet edhe Muzeu i Holokaustit dhe do të zhvillohet Forumi, ftesën për të qenë të pranishëm e kanë konfirmuar Presidenti i Rusisë, Vladimir Putin; President i Francës, Emmanuel Macron; Presidenti i Gjermanisë, Frank-Walter Steinmeier, President i Italisë Sergio Mattarella dhe Presidenti i Austrisë Alexander Van der Bellen.
Ky është Forumi i pestë që organizohet nga Fondacioni “Forumi Botëror i Holokokastit”, i drejtuar nga presidenti Dr. Moshe Kantor, në bashkëpunim me Yad Vashem dhe nën kujdesin e Presidentit të Izraelit, Reuven Ruvi Rivlin.
Presidenti Ilir Meta e ka vizituar Izraelin, në korrik të vitit 2017, kur ai ishte Kryetari i Kuvendit.
Gjatë paraqitjes së letrave krendenciale të ambasadorit të ri të Izraelit, Noah Gal Gendler, presidenti Ilir Meta i konfirmoi pranimin e ftesës së bërë nga homologu izraelit, Reuven Ruvi Rivlin.
Artikuj të lidhur me Ilir Metën
Më shumë lajme
