Presidenti i Shqipërisë, Ilir Meta, do të marrë pjesë në Forumin Ndërkombëtar të Holokaustit (22-23 janar 2020) për të shënuar të 75-të vjetorin e çlirimit të Aushvicit-Birkenau, me ftesë të presidentit të Izraelit, Reuven Ruvi Rivlin.

Në Forumin Botëror të Holokaustit, i cili do të zhvillohet në Jeruzalem, marrin pjesë gjithashtu 26 presidentë, 4 mbretër dhe 4 kryeministra nga vende të ndryshme.

Sipas, kryetares së Shoqatës së Miqësisë Izrael-Shqipëri, Felicita Jakoel, Meta do të zhvillojë edhe një takim me komunitetin shqiptar që jeton në Izrael.

“Në daten 23-22 Janar, do te organizohet ne Jeruzalem Forumii Ndërkombëtar i Holokaustit, si edhe perkujtimi i 75-të vjetorit te çlirimit të kampit të përqendrimit Aushvicit-Birkenau. Titulli i forumit që do të zhvillohet në Yad Vashem do te jete “Kujtoni Holokaustin, Luftoni Anti-Semitizmin”. Jane te ftuar udheheqes te shume shteteve te botes si edhe Presidenti i Republikes se Shqiperise Ilir Meta. Po keshtu ne Jeruzalem do te organizohet nje takim midis perfaqesuesve te komunitetit tone dhe Presidentit Meta. Falenderojme te gjithe ata qe do te marrin pjese ne takim. Urojme gjithashtu qe ky aktivitet nderkombetar kaq i rendesishem ku do te marrin pjese personalitetet me te shquara te botes, te jete nje sukses!”, shkruan Jakoel në një postim të sajin në faqen e grupit të komunitetit shqiptar në Izrael.