Ambasadori i Gjermanisë në Shqipëri, Peter Zingraf, u takua me Z.Geri Kureta dhe z. Amos Dojaka të Komunitetit Hebre të Shqipërisë (Albanian Jewish Community – AJC), me rastin e Ditës së Përkujtimit të Holokaustit.

“Përkulemi përpara viktimave dhe njëkohësisht përpara qytetarëve të shumtë shqiptarë që shpëtuan, u orfruan mbrojtje dhe fshehën hebrenjtë në atë periudhë. Në ditët e sotme shoqëria shqiptare mund të jetë frymëzim për shumëkënd me bashkëjetesën e saj fetare. Në shoqëritë tona nuk ka vend për antisemitizmin, urrejtjen dhe persekutimin!“, shkruhet në njoftimin e Ambasadës Gjermane në Shqipëri.

Mesazhi i Plotë

+++ #WeRemember: Përkujtojmë Holokaustin +++

Sot përpara 75 viteve, në datën 27 janar 1945, Ushtria e Kuqe çliroi kampin e përqendrimit në Auschwitz-Birkenau. Në këtë ditë përkujtimi Ambasadori Zingraf u shpreh:
„Duhet të mbajmë zgjuar kujtimin e tragjedisë së Holokaustit! Mizoria, që Gjermania solli në Evropë gjatë Luftës së Dytë Botërore, është për ne një paralajmërim për të tashmen dhe të ardhmen. Përkulemi përpara viktimave dhe njëkohësisht përpara qytetarëve të shumtë shqiptarë që shpëtuan, u orfruan mbrojtje dhe fshehën hebrenjtë në atë periudhë.

Në ditët e sotme shoqëria shqiptare mund të jetë frymëzim për shumëkënd me bashkëjetesën e saj fetare. Në shoqëritë tona nuk ka vend për antisemitizmin, urrejtjen dhe persekutimin!“

Ditën e sotme Ambasadori Zingraf u takua me z. Geri Kureta dhe z. Amos Dojaka të Komunitetit Hebre të Shqipërisë (shih foton – © Ambasada Gjermane Tiranë ).