Regjisori i fushatave politike, amerikano-hebreu Arun Chaudhary ishte një nga strategët e Kurtit në videokomunikimet me qytetarët e Kosovës gjatë fushatës. Chaudhary, i cili ishte Drejtori i New Media Road në fushatën presidenciale të Barak Obamës në vitin 2008, aktualisht është i përfshirë në fushatë në kampin e Bernie Sanders, kandidat për President të SHBA-ve në kampin e demokratëve.

“Unë shoh shumë gjëra të përbashkëta midis Presidentit Obama dhe Kryeministrit Kurti. Ata janë të dy udhëheqës shumë të thellë në mendime, të matur, të cilët mendojnë aq sa flasin, dhe që janë autentikë brenda dhe jashtë kamerës”, tha Arun Chaudhary në intervistën ekskluzive për Izraelisot.com.

“Ne u takuam pak kohë më parë në një konferencë dhe unë menjëherë u mahnita nga fakti që, se çfarë drejtuesi i rrallë ishte Albini. Dhe aty nisi edhe marrëdhënia jonë, që rezultoi e suskseshme”, thekson Arun Chaudhary.

44-vjeçari Arun Chaudhary, me baba indian dhe nënë hebreje, i lindur në Nju Jork, është i njohur për aftësitë e tij për të sjellë artin në botën e fushatave politike. Ai është një nga personazhet më influence në politikën moderne të komunikimit.

Izraelisot.com – Mr. Arun, jeni bërë i famshëm në Kosovë dhe në Shqipëri, si njeriu që ndihmoi Albin Kurtin të vinte në pushtet në Kosovë. Për lexuesit e gazetës sonë, kush është Arun Chaudhary?

Arun Chaudhary – Faleminderit shumë që më kontaktuat, e vlerësoj këtë, megjithëse të të vlerësojnë se je i famshëm, mund të duket edhe sikur je edhe i fuqishëm. Unë mendoj se, fakti që jam amerikan mund të ndikojë pak. Unë jam një regjisor krijues në fushën politike që vij nga SHBA. Unë kam qenë me fat se kam arritur të punoj me politikanë të tillë amerikanë, siç janë Barak Obama dhe Bernie Sanders midis tyre, por thelbi i vërtetë i punës sime është marrja e mesazheve dhe ideve, dhe shndërrimi i tyre në histori dhe produkte krijuese, qoftë kjo një video, një grafik, çdo gjë. Kur ju mund t’i bashkëngjisni krijimtarinë dhe emocionet në aspektet e “thata” të politikës, ju mund të lehtësoni rrugën për ndryshime.

Jeni lindur në Nju Jork, me një baba indian dhe një nënë hebreje, a mund të na tregoni më shumë rreth nënës suaj dhe sa ka ndikuar ajo te ju?

Nëna ime është një hebreje Ashkenazi nga Bronks, në Nju Jork, me rrënjët e saj origjinale familjare në Ukrainë dhe Rusi. Si kaq shumë njerëz që u larguan nga ajo zonë rreth vitit 1905 ata morën me vete një sens të fortë të drejtësisë përparimtare. Për mua, dhe prej saj, Judaizmi im është shumë sekular, por shumë i rrënjosur në atë sens të drejtësisë shoqërore që ka qenë gjithmonë në zemër të popullit hebre. Unë mendoj se, Judaizmi im më ka ndikuar shumë në punën time në politikën amerikane, ashtu siç ka bërë edhe për shumë të tjerë para meje.

Mr. Arun, ju konsideroheni nga shumë ekspertë si një strateg i komunikimit në fushatat elektorale. Ku konsiston këndvështrimi juaj, te menaxhimi i pikave të forta të politikanëve që përfaqësoni, apo në gjetjen e dobësive të programeve të kundërshtarëve?

Një pyetje e shkëlqyeshme. Dua t’i përgjigjem në dy mënyra. Së pari, gjithmonë duhet të tregoni historinë tuaj; nëse doni që dikush të votojë për ju duhet të tregoni historinë tuaj dhe të lidhni përvojat tuaja personale me gjërat që dëshironi të realizoni. Ju dëshironi t’i bëni ata të rezonojnë emocionalisht. Pra, të folurit për pikat tuaja të forta është shumë e rëndësishme. POR kur jeni duke zgjedhur për çfarë të flasim, nëse mund të nxirrni diçka nga tregimi juaj dhe të theksoni një dobësi të kundërshtarit tuaj, atëherë kjo është edhe më mirë. Nëse keni filluar një biznes të vogël, kjo mund të ndihmojë të hidhni një dritë të caktuar te kundërshtari juaj, i cili ndoshta ka trashëguar një biznes të madh, apo jo?

Ju pushtuat titujt e mediave amerikane dhe ndërkombëtare, kur Presidenti i SHBA, Barak Obama, ju zgjodhi si videografistin e parë zyrtar në Shtëpinë e Bardhë. Si është të punosh me presidentin e shtetit më të fuqishëm në botë?

Të punoja me Barak Obamën ishte një nder i madh për mua dhe sfidë e madhe si regjisor filmi. Përpjekja për të treguar histori të zakonshme ndërsa rrethohet nga aparati i jashtëzakonshëm i Shtëpisë së Bardhë mund të jetë e vështirë. Por, gjëja që e bëri atë më shumë sesa ishte e mundur, por me të vërtetë e suksesshme, ishte vetë Barak Obama. Ai është një nga njerëzit e vetëm që do të takoni ndonjëherë në jetën tuaj i cili është i njëjti, si brenda dhe jashtë kamerës. Është një gjë unike, dhe më lejoi të tregoj se çfarë mund të bëjë ky lloj videografie, dhe si mund të jetë i dobishëm si një mënyrë për të komunikuar me njerëzit.

Jeni angazhuar në fushatën e kandidatit për President të SHBA-ve, Berni Sanders, amerikano-hebre. Në cilat fushata të tjerë jeni angazhuar?

Po, unë kam pasur fatin të kem qenë në dy nga fushatat më emocionuese presidenciale të dekadës së fundit, Obama 2008 dhe Bernie 2016. Por unë mendoj se është e rëndësishme të punosh në fushata në të gjitha nivelet e ndryshme dhe në të gjitha situatat e ndryshme. Për shembull, kohët e fundit unë isha duke punuar në Mbretërinë e Bashkuar për Laburistët në zgjedhjet e tyre dhe në të njëjtën kohë duke punuar në një zgjedhje rajonale në Itali dhe në një garë të Kongresit në Nju Xhersi. Unë do të doja ta bashkoja atë shumë shpejt sepse kandidati është absolutisht i frikshëm. Emri i tij është Alp Basaran, ai kurrë nuk ka kandiduar për një pune zyre më parë dhe kur të fitojë ai do të jetë personi i 3-të i parakohshëm i pa dokumentuar për t’u bërë Kongresmen, i 5-ti Mysliman dhe i pari Turko-Amerikan. Mund t’i gjeni ato në alpbasaran.com

Ju u përfshitë në fushatën elektorale të Kryetarit të Lëvizjes Vetëvendosje, Albin Kurti, i cili fitoi zgjedhjet në Kosovë dhe tani është kryeministër i Kosovës. Si ratë në kontakt me zotin Kurti dhe çfarë i këshilluat atij?

Ne u takuam pak kohë më parë në një konferencë dhe unë menjëherë u mahnita nga fakti që, se çfarë drejtuesi i rrallë ishte Albini. Doja shumë t’i jepja disa nga komunikimet më të mira duke menduar nga SHBA-të. Në SHBA ne kemi zgjedhje që vazhdojnë për një kohë shumë të gjatë dhe shpenzojmë shumë para për të, kështu që është një laborator i mirë për të ditur se çfarë funksionon.

A shikoni gjëra të përbashkëta midis z.Obama dhe Z.Kurti në vizionin e tyre rreth shtetit dhe demokracisë?

Unë shoh shumë gjëra të përbashkëta midis Presidentit Obama dhe Kryeministrit Kurti. Ata janë të dy udhëheqës shumë të thellë në mendime, të matur, të cilët mendojnë aq sa flasin, dhe që janë autentikë brenda dhe jashtë kamerës. Aty ku unë mendoj se vizionet e tyre të demokracisë mbivendosen janë përfshirja e njerëzve në mënyrë thelbësore dhe nxitja e një sensi të shërbimit dhe vullnetarizmit në lëvizje në vend se thjesht të kërkojnë një votë. Dhe unë mendoj se midis SHBA-ve dhe Kosovës ka një sens të përbashkët të vetëvendosjes, si mishërime nga grupe si Vetëvendosje, por edhe i krijuar nga Presidenti ynë Amerikan, Woodrow Wilson.

Jeni themelues dhe drejtues i Committee. Cili është fokusi i punës së tij?

Komiteti është një ekip i vogël, jemi vetëm dy prej nesh, por kemi synime të mëdha:

1) Të përdorin praktikat më të mira në politikë dhe t’i bëjnë ato globale.

2) Të shtojmë tregime afatgjata në ndërtimin e lëvizjeve. Të mendojmë mbi zgjedhjet e kaluara dhe të fillosh të mendosh sesi politika evoluon gjatë dekadave, jo ditëve.

A keni ndonjë plan për të bashkëpunuar me parti politike në Shqipëri?

Përvoja ime në rajon ka qenë vetëm me Kosovën, dhe me zhvillimin emocionues të zgjedhjes së kryeministrit Kurti, shpresoj të jem shumë i zënë këtu. Sidoqoftë, mezi pres ta vizitoj Tiranën. Dhe kur shkoj kudo, më pëlqen të takohem me lëvizjet politike progresive dhe të dëgjoj për ato që po ndodhin, prandaj ri i informuar.

Vlerësoheni si një nga njerëzit më infuencues në politikën moderne. Vetë juve, ju pëlqen politika?

Më pëlqen të jem në gjendje të përdor aftësi krijuese për të ndihmuar njerëzit. Për mua, ky është një lloj shpërblimi dhe politika më jep atë mundësi. POR politika aktuale në politikë mund të jetë shumë e impenjativ. Me të vërtetë. Por ka sa më shumë “politikë” në politikë mund të jetë edhe më keq në fushat e tjera. Unë shpesh u them njerëzve se ishte lehtësim të përfshiheshim në politikë sepse lundrimi në departamentet e filmit universitar dhe festivalet e filmit ishte tmerrësisht po aq “politik”.

Libri juaj “First Cameraman: Documenting the Obama Presidency in Real Time”, ju bëri të njohur edhe në fushën e letrave. Çfarë ju shtyu për ta shkruar dhe a keni në plan të shkruani ndonjë tjetër, në lidhje me fushatat ku jeni angazhuar?

Më pëlqeu vërtet të punoja atë libër. Më shumë se sa një mundësi të shkruari, për mua ishte një shans i vërtetë për të shkruar punën që kisha bërë dhe jo vetëm të shpjegoja atë që mendoja në atë kohë, por edhe të eksploroja historinë e krijimit të filmit dhe presidencën amerikane. Në vend që të zbuloja se situata ime ishte unike, rezulton se shumica e kohës ka përparime në teknologjinë audio/vizuale një nga subjktet e para, ku ajo është aplikuar janë Presidentët. Aktualisht, kam një ide të shkruaj, për disa nga mendimet më të reja që kam pasur në tetë vitet e fundit, që nga ky libër i fundit dhe do të më pëlqente që më jepet shansi të flisja midis të tjerash për tregimin e lëvizjeve kundrejt narracionit elektoral. Është diçka që kam ndryshuar se si unë  bëj pak. Por unë jam shumë i zënë dhe nuk mund ta imagjinoj të ulem për ta bërë këtë së shpejti.

Në universitet keni qenë vocalist në një grup rroku, a vazhdoni t’i kushtoni kohë muzikës?

I kushtoj shumë kohë për të dëgjuar muzikën, pothuajse kurrë nuk më gjeni pa kufje, por nuk kam luajtur seriozisht në një band në një kohë shumë të gjatë. Edhe pse herë pas here fëmijët e mi dhe unë do të luajmë një zhurmë të fortë. Banda jonë familjare quhet “The Boring Avocadoes” (Avokadot e Mërzitshëm). mendoj se është një emër tërheqës, ha ha…

Faleminderit për intervistën!