TOP NEWS – Numri i kompanive të huaja që ushtrojnë aktivitetin në Shqipëri vazhdon të jetë në rritje. Sipas të dhënave zyrtare të INSTAT. Gjatë vitit 2019 operuan gjithsej 6443 kompani të huaja, ose 184 më shumë se në vitin 2018, një rritje me 2.9 përqind.

Rritje më të madhe patën kompanitë nga Izraeli, si dhe ato nga SHBA dhe Gjermania. Pavarësisht se nga këto shtete ka një numër të kufizuar biznesesh, prania e tyre në ekonominë shqiptare shënoi një rritje të theksuar gjatë 2019-ës.

Në vitin e kaluar nga 100 që ishin në 2018 operuan 167 kompani izraelite, me një rritje 67 përqind. Shumica e kompanive operojnë në sektorin e shërbimeve kryesisht në “call center” dhe në forex dhe vetëm 20 për qind në sektorin e prodhimit, kryesisht në bujqësi.

Një rritje të madhe u vu re edhe në kompanitë nga SHBA, numri i të cilave u shtua me 19 për qind më 2019, duke arritur në 135 kompani nga 113 në vitin 2018. Ndërsa kompanitë gjermane shkuan në 184 nga 172 që ishin gjatë vitit 2018..