Agjencia Kombëtare e Turizmit, projekte me izraeliten “Think Creative”
Shqipëria dhe Izraeli vazhdojnë të thellojnë kontaktet në fushën e turizmit, pavarësisht pandemisë së koronavirusit. Sot, u zhvillua një takim virtual midis kompanisë izraelite “Think Creative” dhe Agjencisë Kombëtare të Turizmit të Shqipërisë, me pjesëmarrjen edhe të ambasadorit të Shqipërisë në Izrael, Dr. Bardhyl Canaj, si organizues i saj.
Shqipëria dhe Izraeli vazhdojnë të thellojnë kontaktet në fushën e turizmit, pavarësisht pandemisë së koronavirusit.
Sot, u zhvillua një takim virtual përmes platformës “Zoom”, midis kompanisë izraelite “Think Creative dhe Agjencisë Kombëtare të Turizmit të Shqipërisë, me pjesëmarrjen edhe të ambasadorit të Shqipërisë në Izrael, Dr. Bardhyl Canaj, si organizues i saj.
Nga pala izraelite morën pjesë CEO i Think Creative, Michal Shalem dhe Michal Lebenthal Andreson, ndërsa nga pala shqiptare Drejtorja e Agjencisë Kombëtare të Turizmit, Kornela Ferizaj, dhe drejtoresha e Zhvillimit të Turizmit, Rovena Moçka.
Sipas njoftimit të Ambasadës shqiptare në Izrael, “biseda u fokusua rreth projekteve të përbashkëta në kuadrin e Strategjisë për Turizmin, dhe më e rëndësishmja, u diskutuan edhe detajet për seminarin që do të organizohet në Tiranë në muajin nëntor: “Shqipëria -Një perlë e pazbuluar!”.
Ambassador Bardhyl Canaj today attended the Zoom meeting organized between israeli company Think Creative and…
Posted by Ambasada Izrael on Tuesday, July 7, 2020
Në 11 qershor 2020, me iniciativën e Drejtorit të Departamentit të Ballkanit në Ministrinë e Punëve të Jashtme të Izraelit, Dan Oryan, Ambasadorët e Ballkanit të akredituar në Izrael, përfshirë dhe atë të Shqipërisë, Dr. Bardhyl Canaj, zhvilluan një takim me kompaninë “Think Creative”. Qëllimi i takimit ishte, promovimi i turizmit ndërmjet Izraelit dhe vendeve të Ballkanit, për periudhën post-Covid-19.
Më shumë lajme
