Kopshti “Shalom” në Tiranë dhe Banka e Shqipërisë organizuan aktivitetin e përbashkët “Edukimi financiar për fëmijët”.

Përfaqësuesi i Bankës së Shqipërisë, Igli Kruja, prind i një fëmije, i ftuar nga drejtuesit e kopshtit që përdor metodikë izraelite, u shpjegoi fëmijëve me ilustrime dhe mjete didaktike, se përse “paratë janë një pjesë e rëndësishme e jetës së përditshme të tyre”.

Ndiq "Izraeli Biznes" në Facebook dhe Twitter dhe Instagram dhe behu anetar i Grupit Izraeli dhe Shqiptaret

Sipas tij, një edukim i mirë i përdorimi të ardhurave nis qysh në fëmijëri, ku ata informohen mbi menaxhimin e tyre.

Këtij qëllimi i shërbeu takimi i parë “Derrkuci Çufo mëson të kursejë”, një program edukues për fëmijët e vegjël që bëri bashkë Kopshtin “Shalom” dhe Bankën e Shqipërisë.

Takimi u zhvilluar në një atmosfere inkurajuese, me pyetje dhe përgjigje dhe me shumë humor nga fëmijët, të cilët morën informacion dhe diskutuan mbi tema të tilla si: Çfarë janë paratë dhe kush i prodhon? Si të shpenzojmë me përgjegjësi dhe pse duhet të kursejmë dhe si mund ta realizojmë këtë? Çfarë është rroga dhe çfarë është buxheti?