Ish-kryetarja e Grupit të Miqësisë Shqipëri-Izrael në Parlamentin Shqiptar, Znj, Valentina Leskaj, e sapo anëtarësuar në Bordin Këshillues në Lëvizjen Kundër Anti-Semitizmit, u takua sot me Ambasadorin e Izraelit në Shqipëri, Noah Gal Gendler, me të cilin ndanë opinionin për rëndësinë e angazhimit në luftën kundër fenomenit të antisemitizmit dhe çdo forme tjetër të diskriminimit identitar, por edhe bashkëpunimin e shkëmbimet në fushën e ekonomisë, dijes e kulturës, e mbi të gjitha duke investuar tek marrëdhëniet njerëzore.

Postimi i plotë

Të dashur miq,

Shqiptarët dhe hebrenjtë i ka lidhur historia dhe një miqësi që është sprovuar në momentet tragjike të Luftës së Dytë Botërore. Sot sfida jonë është që ta forcojmë më tej këtë miqësi mes popujve tanë, duke zhvilluar bashkëpunimin e shkëmbimet në fushën e ekonomisë, dijes e kulturës, e mbi të gjitha duke investuar tek marrëdhëniet njerëzore që janë themeli i miqësisë së qëndrueshme mes dy popujve tanë dhe antidota më e mirë kundër politikave të urrejtjes e dasisë, nga të cilat ushqehet antisemitzmi dhe çdo formë diskriminimi e racizmi, që fatkeqësisht po ngrenë sot kokën edhe në shumë vende të botës demokratike.

Më 14 shtator 2020, Lëvizja e Luftimit të Anti-Semitizmit (The Combat Anti-Semitism Movement – CAM) bëri të ditur se, ish-ministrja e qeverisë shqiptare, Valentina Leskaj, është bashkuar me Bordin e saj Këshillëdhënës. Leskaj bëhet anëtari i parë mysliman i bordit dhe bashkohet me një listë mbresëlënëse të këshilltarëve që ndihmojnë organizatën të drejtojë luftën kundër antisemitizmit në të gjithë botën.

Leskaj ka qenë deputete nga 2002 në 2017. Gjatë asaj kohe, midis një numri rolesh të lartë, ajo shërbeu si Ministre e Punës dhe Çështjeve Sociale, Zëvendëskryetare e Parlamentit dhe Nënkryetare e Asamblesë Parlamentare të Këshillit të Evropës. Nga 2013-17, ajo ishte kryetare e Grupit të Miqësisë Shqipëri-Izrael në Parlamentin Shqiptar dhe kryetare e Parlamentit Shqiptar në Këshillin e Evropës.

Valentina Leskaj bashkohet me Bordin Këshillimor të CAM, i cili tashmë përfshin Kryetarin e Agjencisë Hebreje (Jewish Agency Chairman), Isaac Herzog, ish-senatorin amerikan Joe Lieberman, ikonën e të drejtave të njeriut Natan Sharansky, Kryebashkiakun e Frankfurtit, Uwe Becker, Lordët e Mbretërisë së Bashkuar John Mann dhe Eric Pickles, si dhe akademikun e mirënjohur të Harvardit Dr. Ruth Wisse.