Kompania amerikane Moderna thotë se të dhënat paraprake tregojnë se vaksina e saj kundër COVID-19 është gati 95% efektive. Dr. Tal Zaks është mjekësor i Moderna.

Me origjinë nga Ra’anana, qytet në Izraelin Qendror, Zaks u zhvendos në Shtetet e Bashkuara në 1996 dhe së pari punoi në kërkimin e kancerit në Institutet Kombëtare të Shëndetit. Ai u bashkua me Moderna në 2015.

Ai ishte shpallur si një nga 50 hebrenjtë më influencë për vitin 2020 nga gazeta izraelite “The Jerusalem Post”.

Dr. Zaks është diplomuar në Universitetin Ben Gurion në Izrael dhe zhvilloi kërkime post-doktorale në Institutet Kombëtare të Shëndetit të ShBA. Ai përfundoi trajnimin e tij klinik në mjekësinë e brendshme në Spitalin Universitar Temple të ndjekur nga një bursë në onkologji mjekësore në Universitetin e Pensilvanisë.

Si Chief Medical Officer (CMO), Dr. Tal Zaks mbikëqyr zhvillimin klinik dhe çështjet rregullatore në kompaninë Moderna. Para se të bashkohej me Moderna, Dr. Zaks ishte nënkryetar i lartë dhe shef i Onkologjisë Globale në Sanofi, ku ai ishte përgjegjës për të gjitha spektet e zbulimit, zhvillimit dhe komercializimit të ilaçeve onkologjike.

Dr. Zaks filloi karrierën e tij në industri në GlaxoSmithKline në grupin e hulumtimit të gjenetikës. Përveç punës së tij në industri, Dr. Zaks është profesor i asociuar i mjekësisë në Universitetin e Pensilvanisë dhe ka shërbyer si mjek vullnetar në Qendrën Mjekësore të Administrimit të Veteranëve në Filadelfia, duke trajtuar pacientë me kancer.

Dr. Zaks shërben në Bordin e Drejtorëve të Adaptimmune Therapeutics Plc.

Moderna planifikon që të aplikojë brenda për miratim emergjent në mbarë botën dhe pret që rreth 20 milionë doza të shpërndahen në Shtetet e Bashkuara deri në fund të vitit.

Kryeministri Benjamin Netanyahu njoftoi në qershor se Izraeli nënshkroi një marrëveshje me “Moderna”, për një vaksinë të ardhshme të koronavirusit, pa specifikuar numrin e dozave që do të furnizohen.

Izraeli i ka paguar një total prej 405 milion NIS (120 milion dollarë) firmës me bazë në SHBA, sipas të përditshmes “Haaretz”.