“Ambasada shqiptare në Izrael po bën një punë mjaft të mirë duke e treguar Shqipërinë”, kështu u shpreh ambasadori i Izraelit në Shqipëri, zoti Noah Gal Gendler. Në bisedën me gazetaren Rudina Xhunga në emisionin Shqip, diplomati i huaj tha se izraelitët janë mjaft të interesuar të njohin Shqipërinë.

Rudina Xhunga: Zoti ambasador, unë kam qenë disa herë në Izrael, për të intervistuar Amos Oz, shkrimtarin e madh që nuk jeton më, David Grossman i cili është gjallë, por ka humbur djalin gjatë një lufte me Izraelin. Gjithashtu dhe shkrimtarin tonë të madh Ismail Kadare kur ai u nderua me çmimin e Jeruzalemit. Gjithashtu kam ftuar gazetarë izraelitë, në Berat kryesisht për të njohur historinë nëpërmjet muzeut Solomon. Kjo do të doja të ishte e dyanshme. Do të doja që gazetarët në Izrael ta tregonin Shqipërinë.

Ambasadori i Izraelit: Unë mendoj që gazetarët izraelitë e tregojnë Shqipërinë. Por kjo së pari është një detyrë e ambasadës shqiptare, që në fakt po bën një punë të mirë. Unë mendoj se duke sjellë më sa më shumë izraelitë në Shqipëri, kjo do të ndodhë vetvetiu. Dhe në fakt izraelitët janë shumë të interesuar për vendin tuaj.Ambasadori i Shqipërisë në Izrael, zoti Bardhyl Canaj po bën një punë shumë të mirë.

Një raketë ra shumë pranë ambasadës shqiptare në Tel Aviv. Unë besoj se zoti Canaj ndjehet shumë i mirëpritur në Izrael dhe në fakt në vendin tonë të thuash që je shqiptar, mund ta thuash me shumë krenari”, u shpreh ambasadori i Izraelit në Shqipëri, i ftuar në Dritare Tv. Kujtojmë raketat e Hamasit sulmuan shumë pranë ndërtesës së Ambasadës Shqiptare të shtunën e kaluar./L.F-dritare.net