Këto operacione, të cilat janë me përmasa globale, në çdo kuptim të fjalës, kryhen nga secili prej jush, në kombinim me të gjitha agjencitë dhe nën udhëheqjen tuaj, Yossi.

Unë ju informoj sot për emërimin e David Barnea si Drejtorin e ardhshëm të Mossad në mënyrë që Mossad dhe Shteti i Izraelit të vazhdojnë në arritjet e tyre për të garantuar sigurinë e Izraelit. Misioni i parë i secilit prej jush është të parandalojë Iranin që të armatoset me armë bërthamore. Ky është misioni kryesor.

Unë e vlerësoj shumë mikun tonë, SHBA, i cili ka qëndruar në krahun tonë për shumë vite. Kjo është pjesë e sigurisë sonë kombëtare. Por mund të ketë një situatë në të cilën qëllimi ynë kryesor – sigurimi që ajatollahët nuk i japin fund ekzistencës së popullit hebre, i cili ka vazhduar për mijëra vjet – do të kërkojë që ne të marrim vendime të guximshme dhe të pavarura. Shteti i Izraelit nuk do të lejojë Iranin të armatoset me armë bërthamore.

Në çdo rast, me ose pa një marrëveshje, ne do të bëjmë gjithçka për të parandaluar që Irani të armatoset me armë bërthamore dhe kjo sepse ka të bëjë me ekzistencën tonë. Ky është misioni juaj i parë.