Nga Valentina Leskaj

Kisha kënaqesinë të isha një nga kontributoret e procesit, që i parapriu marrëveshjes së bashkëpunimit mes Universitetit të Tiranës dhe Universitetit BAR- ILan, Izrael, e cila u realizua falë nismës dhe kontributit të z. Robert Singer, Drejtor i IMPAKT, Izrael dhe Ambasadorit të Shqipërisë në Izrael, z. Bardhyl Canaj, por dhe eficencës dhe dedikimit të rektorit të Universitetit të Tiranës, Prof. Artan Hoxha.

Kjo marrëveshje u nënshkrua për palën shqiptare nga rektori i Universitetit të Tiranës, Prof. Artan Hoxha dhe palën izraelite nga Zv. Presidentja Prof. Moche Lewenstein.

Jam e kënaqur që dhe në cilësinë e anëtares së Bordit të Lëvizjes kundër Antisemitizmit, materializuam një bashkëpunim të rëndësishëm në fushën akademike dhe kulturore me një ndër Universitetet më të rëndësishme ne Izrael, sidomos në fushën e teknologjisë.

Ky bashkëpunim do të jetë i përqëndruar në fushën e kërkimit shkencor, trajnimeve dhe organizimin e aktiviteteve shkencore ndërkombëtare, duke sjellë mundësi te shkelqyera për stafet akademike të Universitetit të Tiranës si dhe për studentët qe janë pjesë e programeve akademike.
Një arritje dhe për konsolidimin e marrëdhënieve midis Shqipërisë dhe Izraelit!