Kryeministri i Izraelit, Naftali Bennett, zgjodhi Eyal Hulata si kreu i Këshillit të Sigurisë Kombëtare të Izraelit.

Hulata, 45 vjeç, shërbeu në agjensinë e spiunazhit Mossad të Izraelit për rreth 23 vjet, përfshirë në pozicione të larta.

Gjatë shërbimit të tij, ai drejtoi departamentin e agjencisë së spiunimit për planifikimin strategjik dhe njësinë e saj të teknologjisë.

Gjithashtu gjatë kohës së tij në Mossad, Hulata u dha Çmimi i Mbrojtjes së Izraelit për veprime të paspecifikuara.

“Në dritën e përvojës së tij, performancës dhe kuptimit të tij për sfidat strategjike të Izraelit në sferat e sigurisë dhe diplomatike, Kryeministri Bennett zgjodhi ta emëronte atë,” tha një deklaratë nga Kryeministri.

Hulata jeton në qytetin qendror të Kfar Saba, me gruan dhe tre fëmijët e tij. Ai ka një doktoraturë në fizikë nga Universiteti i Tel Avivit, një master në administratën publike nga Universiteti i Harvardit dhe është i diplomuar në programin Talpiot të IDF-së në Universitetin Hebraik.

Hulata do të pasojë Meir Ben-Shabbat, i cili njoftoi në fillim të këtij muaji se do të tërhiqej nga roli.