Ambasadori i Shqipërisë në Izrael, Bardhyl Canaj, vizitoi Ekspozitën Vjetore të Artit EMIS 2022, ku pa nga afër punimet e tetë studentëve shqiptarë, vlerësoi punet e tyre artistike dhe iu uroi suksese gjatë studimeve në një nga shkollat ​​më të mira ndërkombëtare në Izrael.

Shqipëria paraqitet me punime nga Enis Tyxhari, Keon Konica, Arbi Bejko, Frenk Kajtalli, Deiv Mico, Adea Begaj, Amanda Fida dhe Gent Jusufit nga Kosova.

“Kjo ekspozitë ofron një vështrim në botën e ndjeshme të artistëve të rinj që janë gati per te hyre në moshën e zgjedhjeve te studimeve akademike, që ndodhen larg shtëpisë, adoleshencën dhe përparimin natyror të krijuar nga distanca dhe nga e panjohura.

Mirënjohja shkon për organizatorët e ekspozitës, stafin akademik të EMIS, veçanërisht për Drejtoreshën e Zhvillimit Rachelle Schilo që na ftuan dhe bashkepunojne vazhdimisht me ne!

Shkolla ndërkombëtare EMIS http://www.em-is.org është një oaz ku studentët nga mbi 50 vende te botes ndajnë vazhdimisht kulturën dhe boten e tyre personale.

Studentët shqiptarë atje mësojnë të jetojnë dhe studiojnë me një komunitet kaq të larmishëm, si dhe te kuptojne sfidat dhe përpjekjet e tyre për të pranuar dhe respektuar njëri-tjetrin.

Sot ata kanë mundësinë të përdorin ngjyra, forma dhe materiale për t’u shprehur në mënyra krijuese”, shkruan ambasada shqiptare ne faqen e saj zyrtare.

Datat dhe orët e vizitave:

E premte 1 Prill ora 10:00-14:00

E shtune 2 Prill ora 10:00-18:00