Prishja e këtyre marrëdhënieve diplomatike pas sulmeve kibernetike që iu bën shërbimeve publike online dhe sistemit TIMS në Shqipërinë është mbështetur nga Izraeli, i cili ka ofruar ndihmën e tij për ofruar ndihmën e tij për të shmangur sulme të tilla në të ardhmen.

Zëvendësministri i Jashtëm Idan Roll u takua me Ministren e Jashtme shqiptare Olta Xhacka në margjinat e Konferencës për Formimin e Politikës së Jashtme Feministe në Berlin, ku ai “ofroi të ndajmë njohuritë dhe përvojën tonë në mbrojtjen kibernetike” dhe “shprehte vlerësimin e Izraelit” për vendimin e Tiranës për të dëbuar diplomatët iranianë.

“Kam folur me ministren e jashtme shqiptare Olta Xhaçka në konferencën FFP. Unë shpreha vlerësimin e Izraelit për vendimin e Shqipërisë për të ndërprerë marrëdhëniet e saj diplomatike me Iranin dhe ofrova të ndajmë njohuritë dhe përvojën tonë në mbrojtjen kibernetike. Ne do të vazhdojmë të forcojmë bashkëpunimin ndërmjet Izrael dhe Shqipëri”, shkruan në twitter zv.minitri i Jashtëm i Izraelit.

I spoke with Albanian FM @Xhacka_Olta at #ShapingFFP. I expressed Israel's appreciation for Albania's decision to sever its diplomatic ties with Iran, and offered to share our knowledge and experience in cyber defense. We will continue to tighten cooperation between ?? and ??. pic.twitter.com/fPOnVhpDra

— Idan Roll – עידן רול (@idanroll) September 12, 2022

Javën e kaluar, Shqipëria fajësoi Iranin për një sulm kibernetik të 15 korrikut që mbylli përkohësisht shumë shërbime dhe faqe interneti dixhitale të qeverisë shqiptare. Gjatë fundjavës, Ministria e Brendshme e Shqipërisë akuzoi Teheranin për një sulm shtesë ndaj sistemit TIMS që synonte sistemet kompjuterike të policisë kombëtare.

Kryeministri Edi Rama tha se një hetim përcaktoi se sulmi kibernetik i korrikut nuk ishte kryer nga individë apo grupe të pavarura, duke e quajtur atë një “agresion shtetëror”. Të dy vendet kanë qenë armiq të ashpër prej vitesh, që kur Shqipëria mirëpriti anëtarët e opozitës Muxhahidinët Popullorë të Iranit (MEK).

Irani hodhi poshtë akuzat se qëndron pas sulmit kibernetik si “të pabazë” dhe e quajti vendimin e Shqipërisë për të ndërprerë marrëdhëniet diplomatike “një veprim të pamenduar dhe dritëshkurtër”.

Vendimi i Shqipërisë për të prishur marrëdhëniet diplomatike me Iranin u mbështet edhe nga SHBA.

“Shtetet e Bashkuara dënojnë fuqishëm sulmin kibernetik të Iranit. Ne i bashkohemi thirrjes së kryeministrit Rama që Irani të mbajë përgjegjësi për këtë incident kibernetik të paprecedentë.” tha në një deklaratë zëdhënësja e Këshillit të Sigurisë Kombëtare Adrienne Watson.

Izraeli dhe Irani gjithashtu kanë akuzuar njëra-tjetrën prej vitesh për sulme kibernetike. /RTSH.al/